ચિત્રલેખાનાં પાને

માણસે કાયમ સપનાં જોવા જ જોઈએ … ઊંઘવા ન દે એવા સપનાં જોવા જોઈએ . બહુ નાનપણથી મેં પણ એક સપનું જોયું હતું  

ચિત્રલેખામાં મારું નામ જોવાનું  

આજે વર્ષો પછી એ સ્વપ્ન પૂરું થયું ….આજે મારું નામ મારી કથાકડી અને કથાકડી ટીમનાં કારણે ચિત્રલેખામાં ચમકી ગયું. આભાર ટીમ <૩

કોઈ એમ કહે કે આ મેં કર્યું તો એક દંભ જ ગણવો … ઈશ્વર કૃપા ,સમજુ પરિવારનો સાથ અને દમદાર મિત્રોના સહકાર વગર કશું શક્ય નથી. રોજે રોજ તો આપણે આપણા ઘરનાં લોકોનાં પણ વખાણ નથી કરતા .. એ જ રીતે મારી કથાકડી માટે સાથ આપનાર …એક કડી લખી મને પ્રોત્સાહન આપનાર મિત્રોનો ઉપકાર હું એક પળ નથી ભૂલતી … હા , સતત કહેતી નથી રહેતી કારણ આ પણ મારો પરિવાર જ છે જ્યાં અમે ક્યારેક લડીએ પણ છીએ … :p

આજે મજા પડી ગઈ. ફક્ત ફોન પરની દસેક મિનીટની વાત પરથી આ રીપોર્ટ બન્યો છે અને સાંભળીને લખાયેલી વાતમાં શક્ય છે ઘણા મિત્રોનાં નામ આવરી શકાયા નહી હોય …મને ખાતરી છે મારા સમજુ મિત્રો મને એ માટે માફ કરશે.

આખી ટીમનો ફોટો આવે એવી મારી જીદ/ઈચ્છા પૂરી કરવા બદલ ચિત્રલેખા ટીમની ખુબ આભારી છું .

ખાસ આભાર Samuel Rajkumar અને Ashish Kharod નો માનીશ . જેમનાં સતત પ્રોત્સાહન વગર કશું જ સંભવ નહોતું.. નીવા પણ નહી , કથાકડી પણ નહી , શૂન્યતાનું આકાશ પણ નહી , શબ્દાવકાશ પણ નહી … અને કશું જ નહી …

રાખને પણ બેઠા થવા અન્ય સામગ્રીની જરૂર પડે છે … મને મારા પરિવાર/મિત્રોએ જાળવી છે …