ફોન પર વાતો….
ફોનની બેટરી લગભગ 3 વખત ઈશારો કરી ચૂકી હતી બેટરી લો હોવાનો, પણ આ તો નિખિલ અને સંજનાની વાતો હતી જે પૂરી થવાનું નામ જ નહોતી લેતી. ત્યાં જ નિખીલે પુછ્યું, “સંજુ એક વાત પૂછું? તું મને કેટલો પ્રેમ કરે છે?”
સંજના થોડીવાર મૂંઝાઇ અને નિખિલને પુછ્યું,”નિક આ તે કેવો સવાલ પૂછે છે તું?”
નિખિલ: “નહીં સંજુ પ્લીઝ જવાબ આપ ને…”
પછી થોડું વિચારીને સંજનાએ કહ્યું, “ચલ આજે કહી જ દઉ. હું તને તારાથી થોડો વધારે પ્રેમ કરું છું. હું તને એટલો પ્રેમ કરું છું કે આંખો બંધ હોય ત્યારે પણ તું જ દેખાય છે અને આંખો ખોલું ત્યારે સામે તને જ જોવા માંગુ છું.”
આ સાંભળીને નિખિલ સહેજ હસ્યો.
પછી સંજના એ કહ્યું, “નિક, હું તને એટલો પ્રેમ કરું છું કે રાત્રે 4 વાગ્યા સુધી તારી સાથે વાતો કર્યા પછી પણ જ્યારે હું સવારે 7 વાગે જાગું ત્યારે પણ હું જરાય કંટાળ્યા વિના હું તારી સાથે વાતો કરી શકું છું.”
નિખિલ હસ્યા વિના ના રહી શક્યો.
આગળ સંજના એ કહ્યું, “નિક, હું તને એટલો પ્રેમ કરું છું કે, આખી રાત હું તારી બાજુમાં જ સૂઈ ને આપણાં કોલેજ ટાઇમનાં રોમાન્સની જેમ ફોન પર વાતો કરી શકું છું. હું તને….”
આટલું બોલી ત્યાં જ સંજનાનાં ફોનની બેટરી ડેડ થઈ ગઈ.
અને નિખિલ અને સંજના એક બીજાની સામે જોઈ ને હસવા લાગ્યા.
vaah.. this is a novel style of chatting.. !
a sweet way to speak till death [of battery.. hahaha]
good creation.. !!
LikeLike